如何氹小朋友飲中藥？
Jack和我小時候一樣，常常患扁桃腺炎，經常翻發，每次都發好高燒，睇西醫每次都要食好多日抗生素... 實在唔忍心咁細個小朋友就成日要食抗生素，所以決定試吓中醫療法。
但係飲中藥都係一個幾頭痕嘅問題，咁大碗苦茶，小朋友點會肯飲呢？
昨日同Jack去睇 CINCI EC ，開了藥方後用藥粉調配沖劑，除了方便之外，餵小朋友吃藥時可以盡量用少啲水沖，易餵啲。
昨天第一次吃中藥，我用100ml熱水沖泡藥粉，加咗一小粒冰糖，然後用針筒慢慢餵Jack飲藥。頭一兩次都肯飲，之後當然有反抗啦！好不容易先至餵晒一杯藥...
今早起床，Jack話扁桃腺位冇咁痛，而且退咗燒，佢自己都覺得啲中藥係好有效，係會令自己好返嘅，所以經過我苦苦相勸，佢決定飲多一次藥。不過，今次佢唔俾我用針筒餵，寧願自己用杯仔慢慢飲。而我都學精咗，今次只係用30ml熱水沖開，一啖過苦啲好過分開咁多次呀！
奬賞係Cinci醫師隨藥附送嘅曱甴咁大粒提子乾！XD
Jack, I'm so proud of you!!!
Search